أنــــــواع الشعراء ...

للشعر شاعر يعيش الشعر في جاشه
مثل العشيرة تعشش بالحشا عشه
يقرش لها قرشه ويفرش لها فراشه
وتعتاش من عيشه وتنخش في قشه
شاعر وشعره ذهب منقوش بقماشه
ما هو قماش ورشاش الذهب رشه
شاعر مشاعر شعوره يشبه الشاشة
شفاف وابيض ينش اللي بغى النشة
يحشم عن المشتبه والشين ما ناشه
شامخ عن اللي فرش له فرشة هشه
وللشعر ناظم نشب بالشعر منقاشه
لاهو بشاعر ولا له بالشعر خشه
حتى إيش لو تلبس الطربوش يالباشة
كلها شهر بالشهر تشريه وتطشه
وللشعر شاعر يشوف الشعر قرقاشة
خاشر خشاش عن المحشوم منخشة
وللشعر منشد يبي الشهرة على الشاشة
غش وأشوف البشر بالصوت منغشة
هذي شغايا شعيب عنه منحاشة
شئ يشرف وشئ يكشر الخشة