أنا مالي سوى حبك

أنا مالي سوى حبك
تدلل يحفظك ربي
حبيبي .. يووووه ما اقصد
نسيت انك بعد عمري
نسيت انك قمر هالكون
وبحبك والله أنا مفتون
تبي الصراحة والوضوح
وصمت يشغل البوح
أنت اللي على عمري تمون
لبا قلبك على هالعيون



مساء الكلمة الحلوة
مساء الحب بليا حدود
مساء ريحته قهوة
وطعمه بالحلا معقود
مساك نغمته تغريد
وصوته ينعش المجهود
مساك خير يا الغالي
مساء الشوق ودهن العود
مساء يحتويه الكون
لأنك أنت فيه موجود




زادت بي الأشواق وملت بعضها
وشمسي عن الإشراق صارت بعيدة
دنيا عقب فرقاك ضايع عمرها
وقلبي نسى نبضه ومجرى وريده
وينك فقيد الروح وينك أملها؟
وينك طعون الشوق والله شديدة


رن الجهاز ودق صوت المنبه
برسالة زادت على القلب تشويق
من غالي له وسط قلبي محبة
وبيني وبينه بالمحبة مواثيق
ويشهد على ما أقول ربي وربه
غالي وشوفه يبعد الهم والضيق


عرفتك صادق الإحساس
عرفتك غير عن هالناس
تداوي الجرح
وتجبر الخاطر المجروح
حنون القلب
وكلماتك ترد الروح
تعطي ولا تأخذ أبد
وما أظن في مثلك أحد
أنت بحر ماله حدود
أنت عطر كل الورود
روحك كلها طيبه
وغيرك أنا وش لي به ؟
فز الخفوق وقلت يا الله عسى خير
أثر الليالي عاد غايب قمرها
يا ناس أحبه والمحبة مقادير
هذا هوى نفسي وهذا قدرها
والحب ماله يا أهل الحب تفسير
قلبين والله بالمحبة أمرها





يا رفيق الخير منك ما اشتكيت
غاليا قدرك وعندي ما تهون
عالوفا باقي وعهدي ما نسيت
والوفي هيهات يا خلي يخون
لا حشا والله عنكم ما سليت
منزلك عالي و تفداك العيون


قلت لك: روحي تبيك وأبيات شعري تحتويك
قلت لك: عمري وحياتي والمشاعر تحتريك
قلت لك: قلبي يحبك والعيون تموت فيك
قلت لك: أنا احبك والقلب يشتريك
أنا قلت ..
وأنت وش تقول ؟


فقدتك !! و جيت أتصل ثم هونت
دامك بقلبي وش يفيد اتصالي
ما ودي أشغل وقتك بقول : وين أنت ؟
وإلا أنت في قلبي وساكن خيالي


تبي تعرف مين أنا ؟

أنا الغلا وأكثر من النفس مغليك
أنا الوفا رغم الجفا جيت شاريك
أنا السهر لا نامت عيني تراعيك
وأنا الذي لا ضاق صدرك يسليك
أبختصرها وأعترف جيت "هاويك"
أنا غرامك بس في صورة إنسان يغليك


إيه احبك قلتها والصدى غطى المكان
والتفت من كان حولي مندهش من كلمتي
ثم جلست اردد الكلمة إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبها طول الزمان
ربي اكتب كل خير بدربها واقبل دعوتي


صرت أتشفق شوفتك يوم بالعام
من عقب ما كنت عندي العام كله
أحد تمنى شوفته طول الأيام
وأحد تشوفه دقيقتين وتمله



الله يجيبه

الغايب اللي سولفت عنه الأقلام
راح وترك له بالمعاليق صورة
هو ما درى إنه بالحشا من كذا عام
يبني على ساس المحبة قصوره
الله يجيبه دام باقي لي أحلام
و"ألمس كفوفه" وانبسط في " حضوره"



يا صاحبي فرقا الحبايب كليفه
والبعد من بين المحبين حراق
يا صاحبي لولا الظروف العنيفة
ما طاحت يديني على بيض الأوراق
يوم السديري قالها في وليفه
" يا ليت ربي ما خلق حب وفراق"


ما هو بكيفي غيابي والعذر مني
ترى العمر ما يجي على هوى الساري
البارح أغلى القصايد فيك عزني
هونتها شوي لكن ما طفت ناري
قلت الصبر لو ظروفي عنك حدني
مصيري ألقاك أنا لو طول غيابي


جتكم <<رسالة>> كلها شوق وحنين
((أرسلها)) قلب حلف ما ينسى الأحباب
تشكي ~غياب~ ناس حيل غالين
وتشكي ديار البعد وديار //الأغراب//
حلفت # بخالق الناس# من طين
ما أنسى اللي كانوا معي % ربع وأصحاب%


أشتاق لك والقلب ما هو بيديني
أنت الحبيب ومالنا غيرك أحباب
عن حب غيرك تايب من سنيني
ولاشك قلبي عن غلاك "أنت" ما تاب
غلاك بالدنيا ترى مبتليني
لا غاب زولك كل شي غاب