خيمة بدو .. اخر رائعه لابن فطيس

خيمة بدو .. اخر رائعه لابن فطيس

ليه المسا عوق الشقـاوي وطبّـه؟ ...... وليه الهبوب تصحي القلب لا بـــــات؟

وليه القمر يدعي جريـح المحبّـه؟ ...... ويقول له يا هيه..ما فات ..ما مــــــــات

جرحك ظهر لو قلـت للوجـه خبّــــــه ...... وللحزن في ضحكك رسوم وعلامات

وليه المطر بالذات ريحـه.. وصبّـــــه ...... كنّه رسول بيـن الاحبـاب بالــــــــذات؟

اشتـاق فيـه لشوفتـك واتنـبّـــــــــه ...... للي نسيته مـن مواقـف ونظـــــــرات

لا استانس الخافق ذكر مـن يحبّـــه ...... ورجع يراجع فالوناسات مـا فـــــــــات

يا مرتـع القلـب الحزيـن ومربّــــــــــــه ...... يزيين بك مثل الذهب صدر الابيــــات

هيهات ينسى القلب شخـص ٍ لعبّـه ...... وهيهات يدله خاطري منـك هيهــــات

سبك مديح ومـدح غيـرك مسبّـــــــــه ...... تقول واذني صوتها تقول لـك هـــات

ونبع الغلا عنـدك وعنـدي مصبّـــــــــه ...... ومن الولا ..في خافقي لك ..ولاياات

وطيفك حطب عيني..وعيني مشبّـه ...... والشوق برد ٍ ما انقطع لو للحظـات

ومكانك الصدر ولـك القلـب شبّـــــــــه ...... بين الظلوع اللـي فردهـا التنهـــات

ولك بيـرق ٍ فالقلـب حبـك يهبّـــــــــــه ...... شامخ ولا هزه من العـذل غــــــارات

محبتـك فالوقـت ذا مـا تشـبّـــــــــــــه ...... الا بخيمـة بـدو بيـن العـمـــــــــــارات

ان شفتني ضايق واهوجس واسبّـه ...... اخاف غدر الوقت.. والوقـــت دورات

لا تحسب ان دمعي نـزل دون سبّـــه ...... ابكي من الفرقا وهي مابعـد جـــات

الـيـوم كــل امورنا..مستتـبّـــــــــــــــه ...... وبكره ماندري وش معه من مسرّات

اربّ قلبـك مثـل قلـبـي اربّــــــــــــــه ...... ما يخلفه شور العـرب والمسافـــات

» فائدة نفيسة في الحروف المقطعة لابن القيم .
» صور جماجم رائعه
» كلمات رائعه جدا ؟
» صور حيوانات رائعه حتعجبكم اكيد
» رحله رائعه في هذا الكون السحيق ...