شعر+قصايد=خوطر

1 شعريا زيـن قـلـبـي كـل ما قـلـت يـرتــاح ### تـزيـد عـلات الـجـــروح الخـفــيــــه
إلى ذكرت اصـويحـبـي زين الاريـاح ### حـلي مـدعـوج الغـزال وســــــمـيـه
اللي الى شـــفـتـك على طول مرتاح ### عـلـيـه يـجـذب مهـجـتـي جـاذبـيــــه
أيـام يـربـطــنـي بـهــا حــب الارواح ### والـكـل منا صــافـي مـع خــويــــــه
يـومه معـي للحـب قـصه ومـفـتـــاح ### يـوم المـحـبـه من طـرفـكـم قـويـــه
لبست في حـبـك نياشـــين ووشـــاح ### ومن شـــافـنـي يـقـول لي واهـنـيـه
واليوم من عقب الجفا صرت سواح ### عـنـدي حياتـي مع مماتي ســــويـه
لا بـد ما يـرجـع هـواء البال لو راح ### تـطـري عـلــيــه ايـامــه الاولــيـــه
ان اشــهــد ان الـبـعـد يا زيـن ذبـاح ### عـزي لمـنـهـو عـلـتــه باطـنـيــــــه
بنخا عـلـيـك حـمـود وسـعــود شلاح ### اصحـابـي اللـي يعـرفـون القـضـيه
يا صاح قـلبـي منك مجروح يا صاح ### لـو بـس تســمح لي بمز الشــفـيـه
يمكن إلى مزيتها خاطـري ســـــــاح ### وارتاح قـلـبٍ منك روحـه شــقـيـه




2 قصيدخطاك أنك تصدقني أنا لا قلت لك بنساك ... أنا لانسيت الحمد قلي شنو أصلي به
لله اللي أخذ من الناس الحلا وأعطاك ... وتحمل قساك وجفاك من طيبه
تمنعه يقرب وهو بالخافي يضماك ... خذ العمر لو تامر عليه لا ترده ولا تجيبه

لاتظن البعد ينسيني هواك ... لوتطول أيامي وهمومي تزيد
ولاتظن البعد ياخذ من غلاك ... ولاتظن أعشق و ادور من جديد

أغلى حياتي هي ثواني بها ألقاك لولاك ماتسوى حياتي كلها
ودنيا خلت من صافي الود وياك ياجعل تكسف شمسها مع قمرها

أنا اللي جيت للدنيا كذا ماجيتها ولهان ... لقيت أني على جمر السنين الحمر وحداني
أنا المجرم وأنا اللي ما قتلت بداخلي إنسان ... قتلت الحب والطيبة بعد ما شفت نقصاني
أنا الحاكم وأنا الظالم وأنا عالم من الحرمان ... ومن يدخل محيط الحزن يبشر بي ويلقاني

أكتبك ثم أمحياك واعجز وأنا أقول ... صعب أوصف شي في داخلي لك
حبك ملا قلبي من العرض للطول ... حتى غلاي اللي لغيرك يجي لك




3خواطرترانى كنت متوقع تصدق هرج خلق الله
ولكن ماتوقعتك تسولف بى لعذالك

تبي تنسانى أنسانى فداك اللى مضى كله
يجوز أحيا من فراقك مدامى ميت بوصالك

ترى مايجحد الواقع سوى خل نسي خله
مثل ماتجحد عيونى حنين حيل يظمالك

مع انى عارف ماأحد يداوى غيرك العله
أسج بحالى لحالى لجل ماينبرى حالك

واكابر من خطا نفسي وازايدالجرح وابله
كفايه شمسك لي اليوم تنسج حولى ظلالك

تبينى أعتذر أسف ولكن وش هى الزله ..؟
تبينى اجرحك حاضر انا همك وغربالك

مدام انى سبب دمع حزين ناظرك هله
فعسانى يابعد عمرى اجل ماطرى على بالك

واذا قالوالك ان قلبى من فراقك نزف غله
قل ان مابه بلى عسي درب السعد فالك

وانا والله وثم والله وثم والله وثم والله
لاسوى ماتبي من شان بس تحقق أمالك

ولكن قبل ماتبعد وتنساء مامضى كله
أمانه بس علمنى وش اللى غير احوالك